Eduki publikatzailea

Araia - Alda

Ibilbidearen deskribapena

Araian hasita, Entziaraino igoko gara eta mendizerra Iparraldetik Hegoaldera zeharkatu eta gero beherantz jarraituko dugu, Aldaraino iritsi arte.

0 km. ARAIA.

Araiako hirigunetik abiatuko gara eta, ikaztegiaren interpretazio-panelaren ondotik pasatu ondoren, kiroldegirantz joko dugu hirigunetik irteteko. Aratz mendia utziko dugu atzean eta, muino txiki bat gainditu ondoren, Albeizera iritsiko gara. Tren-geltokiraino jarraituko dugu eta, trenbidea kontu handiz zeharkatu eta N-1 errepidearen gaineko zubia atzean utzi ondoren, Durrumara iritsiko gara.

Araia - Alda
Araia - Alda
Araia - Alda

3,7 km. SAN ROMÁN DE SAN MILLÁN.

Durrumatik hegoalderantz abiatuko gara, eta berehala egingo dugu topo GR 25arekin (Arabako Lautadako Bira), baina metro batzuk egin ondoren utzi egingo dugu, eta euri-garaian lokazten diren pista batzuetan gora egingo dugu Entziako mendilerrorantz. Oraindik kilometro batzuk geratuko zaizkigu Entziako Partzuergora doan San Roman mendatera iristeko.

8,3 km. SAN ROMAN MENDATEA

Goi-lautadara iritsi ondoren, mendilerroaren ertzean zehar jarraituko dugu GR 282tik (Artzaintza Naturbidea). Pago ikusgarriez osatuta dagoen eta inguruko artzaintza-jardueraren aztarna ugari gordetzen dituen baso batean sartuko gara, eta Arabako lautadako ikuspegi paregabeekin gozatzeko aukera izango dugu tarteka. Handik gutxira, ordea, pagoen itzala desagertu egingo da, eta eremu ireki bat agertuko zaigu: Zezamako lautada. Abereak lasai-lasai bazkatzen diren leku horretan utziko dugu Artzaintza Naturbidea. Tarte ugaritan ikusezin bihurtzen diren bide batzuetatik jarraituko dugu hegoalderantz. Bidean, Opakua eta Iturrietako mendateetako errepideak zeharkatu beharko ditugu. Ondoren, oso ongi markatutako pista batetik jarraituko dugu Iturrietako mendilerroko hegoaldera doan Kortagaña mendateraino.

17,1 km. KORTAGAÑA.

Pista utzi eta beherantz egingo dugu pago artean. Berehala, Uribarri Haranako Santa Maria ermitak ongietorria egingo digu. Herria zeharkatu ondoren, partzela-bide batek Aldara eramango gaitu, etaparen amaierara.

DATUAK

Zailtasun ertain handia
Ibilbidea

- 20,8 km

Malda

- 772 m

Iraupena

- 6h. 20'

Otros itinerarios

Ruta cercana

Arantzazu - Araia

Ikusi gehiago
Ruta cercana

Alda - Genevilla

Ikusi gehiago