Eduki publikatzailea

8. ETAPA: Subillana-Gasteiz-Olarizu

8. ETAPA: Subillana-Gasteiz-Olarizu

Ibilbidearen deskribapena

Ekialderantz abiatzen den etapa honetan Zumeltzu, Berroztegieta eta Lasarte herriguneak zeharkatzeko aukera izango dugu, Vitoria-Gasteizko eraztun berdearen barruan dagoen Olarizuko etxaldera heldu aurretik. Olarizun dago lautadako bira honen hasiera eta amaiera puntua, eta bertako etxaldean Eraztun Berdeko ingurumen ekipamendu garrantzitsuenetakoa aurkituko dugu, besteak beste Ingurugiro Gaietarako Ikastegia barne hartzen duena. 

Subillana-Gasteiz-Olarizu
Subillana-Gasteiz-Olarizu
Subillana-Gasteiz-Olarizu
Subillana-Gasteiz-Olarizu

0. km.- SUBILLANA-GASTEIZ

Etapa honetako lehen metroak Donejakue bidetik doazen arren, lehen bidegurutzean bide horretatik irtengo gara. Zuhaiztian zehar egingo dugu aurrera, eta, aldi berean, gora ere egingo dugu. Hala ere, laster behera egiten hasi eta basotik irtengo gara, Zumeltzuko herrigunera iristeko. Soilgune horri esker, Arabako Lautadako ikusmira ederraz gozatu ahal izango dugu etapako zati handienean.

3,2. km.- ZUMELTZU

Zumeltzutik irten eta basoan barruratuko gara berriro. Eskibelgo gainean inguru-minguruka joan ondoren, izen bereko herrigune txikiko etxeen multzoa zeharkatuko dugu beheko aldetik, eta, apurka-apurka, Berrostegietara hurbilduko gara.

10,5. km.- BERROSTEGIETA

Berrostegietatik irtengo gara, eta, espaloian zehar zenbait metro egin ondoren, eskuineko bidetik egingo dugu aurrera. Gero, bertako mendi-bidea hartu eta Lasarteko herrigune hurbilera iritsiko gara.

12,7. km.- LASARTE

Bertatik, beste mendi-bide bat hartuko dugu, eta, A-2124 errepidea gurutzatu ondoren, Olarizuko gaineko oinalderaino hurbilduko gaitu. Gainera igotzeko ibilbidea alde batera utzi eta iparraldera joko dugu, harik eta bidegurutzeraino heldu arte. Eskuineko aukera hartuko dugu, eta, handik zenbait metrotara, berriro saihestuko da, etaparen amaieraren kokalekua izango den Olarizuko Etxalderaino iristeko.

17,5. km.- OLARIZUKO ETXALDEA

Eraikin honetan, Ingurugiro Gaietarako Ikastegia dago, eta Vitoria-Gasteizko Eraztun Berdeko ekipamendu nagusietakoa da.

DATUAK 

Zailtasun ertain handia
Ibilbidea

- 17,5 km 

Malda

- 588 m

Iraupena

- 5 h. 35'

Beste ibilbide batzuk

Ruta cercana

Legutio-Olano

GR 25 6. etapa

Ikusi gehiago
Ruta cercana

Olano-Subillana-Gasteiz

GR 25 7. etapa

Ikusi gehiago