GATZ HARANA kultura-ondasun gisa sailkatuta dago, Monumentu Multzoaren Kategoriarekin. Gesala gune horretan berez azaleratzen da, eta gesal horretatik lortzen dute gatza, eskuz eraikitako terrazak baliatuz. Gaur egun egitura horiek zaharberritzen ari dira, antzinako tradizioak errespetatuz.

CAICEDO YUSO ETA ARREOko aintzira naturagune babestuen Natura 2000 Sarean dago bilduta, eta Euskadiko laku natural iraunkor bakarra da. Lakua Europako sakonenetakoa da kokatuta dagoen garaieran, eta haren jatorriari buruzko elezahar ugari daude. Elezahar horietako batek dio Ama Birjina ogi-eske joan zela bertan zegoen etxe batera, eta hiru aldiz uko egin ziotenez herria urez bete zuela, modu horretan lakua sortuz.